چمن سیکٹر پر افغان جارحیت اور دراندازی کی کوشش ناکام، متعدد طالبان ہلاک

چمن، 25 ستمبر: پاک افغان سرحد پر چمن سیکٹر میں مبینہ افغان جارحیت اور دراندازی کی کوشش ناکام بنا دی گئی۔

سیکیورٹی ذرائع کے مطابق افغانستان کی جانب سے چمن سیکٹر میں اشتعال انگیز فائرنگ اور دراندازی کی کوشش کی گئی، جس پر پاکستانی سیکیورٹی فورسز نے فوری جوابی کارروائی کی اور افغان جانب سے کی جانے والی فائرنگ کا مؤثر جواب دیا۔

ذرائع کا کہنا ہے کہ کارروائی کے دوران متعدد افغان طالبان ہلاک ہوئے، جبکہ پاکستانی افواج نے افغان جانب موجود مبینہ طالبان پوسٹوں کو کواڈ کاپٹر اور مارٹر فائر کی مدد سے نشانہ بنایا۔

سیکیورٹی ذرائع کے مطابق پاکستانی فورسز کی بروقت کارروائی کے نتیجے میں دراندازی کی کوشش ناکام بنا دی گئی اور افغان جانب سے ہونے والی مبینہ جارحیت کا مؤثر انداز میں جواب دیا گیا۔

ذرائع کا کہنا ہے کہ سیکیورٹی فورسز افغان سرزمین سے پاکستان کی حدود میں کسی بھی دراندازی کی کوشش کا بروقت اور مؤثر جواب دینے کیلئے مکمل طور پر تیار ہیں۔