کاروباری سرگرمیوں کے ساتھ ٹریفک روانی بھی برقرار رکھی جائے، ماجد سلیم

مسلم باغ:اسسٹنٹ کمشنر مسلم باغ ماجد سلیم نے میونسپل کمیٹی کے نمائندے کے ہمراہ ریڑھی بانوں کے لیے مناسب جگہ مختص کرنے کے سلسلے میں مختلف مقامات کا معائنہ کیا۔اس موقع پر ریڑھی بانوں کو بازار کی مرکزی سڑکوں اور آمدورفت میں درپیش مسائل کے پیشِ نظر منظم ریڑھی بازار کے قیام، ٹریفک کی روانی برقرار رکھنے اور عوام کو سہولت فراہم کرنے کے حوالے سے مختلف مقامات کا جائزہ لیا گیا۔اسسٹنٹ کمشنر نے متعلقہ حکام کو ہدایت کی کہ ریڑھی بانوں کے لیے ایسی مناسب جگہ کا تعین کیا جائے جہاں کاروباری سرگرمیاں بھی جاری رہیں اور بازار میں ٹریفک و عوامی آمدورفت بھی متاثر نہ ہو۔