میاں غنڈی میں خوفناک تصادم، پٹرول سے بھری موٹر سائیکل میں آگ لگ گئی

کوئٹہ: میاں غنڈی کے علاقے میں موٹر سائیکل اور مال بردار گاڑی کے درمیان حادثے میں موٹر سائیکل سوار جاں بحق ہوگیا۔

ذرائع کے مطابق موٹر سائیکل سوار پٹرول لے کر جا رہا تھا کہ اس کی مال بردار گاڑی سے ٹکر ہوگئی۔ تصادم کے بعد دونوں گاڑیوں میں آگ لگ گئی، جس کے نتیجے میں موٹر سائیکل سوار موقع پر ہی دم توڑ گیا۔

حادثے میں ایک شخص زخمی بھی ہوا، جسے فوری طور پر اسپتال منتقل کردیا گیا۔

واقعے کی اطلاع ملتے ہی ریسکیو اہلکار موقع پر پہنچ گئے اور امدادی کارروائیاں شروع کردیں۔ حادثے کی مزید وجوہات اور تفصیلات معلوم کی جارہی ہیں۔