ہرنائی ، نامعلوم مسلح افراد کا 5 کوئلہ کانوں پر حملہ

ہرنائی: طالب لیز کے علاقے میں نامعلوم مسلح افراد نے پانچ کوئلہ کانوں پر حملہ کرکے وہاں موجود مشینری کو آگ لگا دی اور موقع سے فرار ہوگئے۔

پولیس ذرائع کے مطابق واقعہ گزشتہ رات پیش آیا۔ مسلح افراد نے کانوں میں موجود تین انجن، دو کمپریسر اور دوسری مشینری کو نذر آتش کردیا۔

ذرائع کا کہنا ہے کہ حملے میں عبدالخالق، حضرت، محمد نبی، شیخ محمد اور نجیب کی کوئلہ کانوں کی مشینری کو نقصان پہنچا۔

واقعے کے بعد پولیس نے علاقے میں کارروائی شروع کردی ہے اور ملزمان کی تلاش کی جارہی ہے۔