اراضی کی جانچ پڑتال میں تمام قانونی و انتظامی تقاضے ملحوظ رکھے جائیں، حافظ محمد طارق

کوئٹہ: ایڈیشنل ڈپٹی کمشنر (ریوینیو) کوئٹہ حافظ محمد طارق کے زیرِ صدارت وی آئی پی ہینگر کے قیام، متعلقہ اراضی کی جانچ پڑتال اور دیگر امور کے حوالے سے اہم اجلاس منعقد ہوا۔

اجلاس میں وی آئی پی اینگر کے قیام کے لیے مختص زمین کے ریکارڈ، ملکیت اور دیگر متعلقہ امور کا جائزہ لیا گیا۔ اس موقع پر متعلقہ ریونیو افسران و اہلکاروں سے اراضی کی جانچ پڑتال اور ریکارڈ کی تصدیق کے حوالے سے تفصیلی بریفنگ بھی لی گئی۔

ایڈیشنل ڈپٹی کمشنر (ریوینیو) حافظ محمد طارق نے متعلقہ حکام کو ہدایت کی کہ اراضی کے ریکارڈ کی مکمل جانچ پڑتال اور تمام قانونی و انتظامی تقاضوں کو مدنظر رکھتے ہوئے ضروری اقدامات یقینی بنائے جائیں۔