پولیو مہم کے دوران تمام انتظامات مکمل کیے جائیں،ڈپٹی کمشنر مہراللہ بادینی کی ہدایت

پولیو مہم کے دوران تمام انتظامات مکمل کیے جائیں،ڈپٹی کمشنر مہراللہ بادینی کی ہدایت

کوئٹہ: ایف آئی پی وی / او پی وی کمپین کے حوالے سے ڈسٹرکٹ ایجوکیشن اجلاس، مشترکہ حکمتِ عملی مرتب

ڈپٹی کمشنر کوئٹہ مہراللہ بادینی کی زیرِ صدارت ایف آئی پی وی / او پی وی پولیو کمپین کے حوالے سے ڈسٹرکٹ ایجوکیشن اجلاس منعقد ہوا۔

اجلاس میں 31 اگست سے شروع ہونے والی پولیو مہم کے دوران اسکولوں اور مدارس میں بچوں کو پولیو سے بچاؤ کے قطرے پلانے کے حوالے سے تفصیلی پلان مرتب کیا گیا۔ اجلاس میں سرکاری و نجی تعلیمی اداروں اور مدارس کے ساتھ مل کر مہم کو مؤثر اور کامیاب بنانے کے لیے مشترکہ حکمتِ عملی پر غور کیا گیا۔

ڈپٹی کمشنر کوئٹہ نے متعلقہ حکام کو ہدایت کی کہ اسکولوں اور مدارس میں پولیو مہم کے دوران تمام ضروری انتظامات مکمل کیے جائیں اور والدین و طلبہ میں آگاہی پیدا کرنے کے لیے مؤثر اقدامات اٹھائے جائیں۔

اجلاس میں ایڈیشنل ڈپٹی کمشنر (جنرل)، وفاق المدارس کے نمائندے، محکمہ تعلیم کے افسران، پرائیویٹ اسکولز کے نمائندے، پولیو حکام، ڈسٹرکٹ ہیلتھ آفیسر کوئٹہ اور تمام متعلقہ اسسٹنٹ کمشنرز نے شرکت کی۔