تیزاب گردی کا شکار ڈاکٹر ماہ نور ناصرکے اعزاز میں دُکی کی سڑک ان کے نام سے منسوب

دُکی: وزیراعلیٰ بلوچستان میر سرفراز بگٹی کی منظوری سے دُکی میں ڈمّانی چوک سے ملحقہ حاجی امان اللہ مسجد روڈ کو ”ڈاکٹر مہنور ناصر روڈ، دُکی“ کے نام سے منسوب کردیا گیا۔

سڑک کو ڈاکٹر مہنور ناصر کے نام سے منسوب کرنے کا فیصلہ انہیں تیزاب گردی کے افسوسناک واقعے کے باوجود حوصلے، عزم اور استقامت کا مظاہرہ کرنے پر خراجِ تحسین پیش کرنے کے لیے کیا گیا ہے۔

ڈاکٹر مہنور ناصر نے مشکل حالات کا ثابت قدمی سے سامنا کیا۔ ان کے عزم اور حوصلے کو سراہتے ہوئے وزیراعلیٰ بلوچستان کی منظوری سے دُکی کی اہم سڑک ان کے نام سے منسوب کی گئی۔

اس اقدام کو ڈاکٹر مہنور ناصر کی جدوجہد اور حوصلے کے اعتراف کے ساتھ ساتھ خواتین کے عزم، استقامت اور مشکلات کا بہادری سے سامنا کرنے کی علامت بھی قرار دیا جا رہا ہے۔