فیلڈ مارشل عاصم منیر اور عباس عراقچی کا ٹیلیفونک رابطہ، علاقائی صورتحال پر تبادلہ خیال

ایرانی وزیر خارجہ عباس عراقچی نے فیلڈ مارشل سید عاصم منیر سے ٹیلیفون پر رابطہ کیا، جس میں خطے کی موجودہ صورتحال، کشیدگی میں کمی اور سفارتی ذرائع سے مسائل کے حل پر گفتگو کی گئی۔

ایرانی میڈیا کے مطابق رابطے کے دوران دونوں رہنماؤں نے حالیہ سفارتی پیش رفت کا جائزہ لیا اور مختلف سفارتی اقدامات سے متعلق اپنے مؤقف اور تجاویز کا تبادلہ کیا۔

گفتگو میں خطے میں جاری حالات، ممکنہ اثرات اور امن و استحکام کے لیے مشترکہ کوششوں کی اہمیت پر بھی بات چیت کی گئی۔

رپورٹ کے مطابق فیلڈ مارشل عاصم منیر اور عباس عراقچی نے پاکستان اور ایران کے درمیان دوطرفہ روابط اور تعاون کو مزید مضبوط بنانے کے امکانات پر بھی تبادلہ خیال کیا۔

دونوں جانب سے اس بات پر اتفاق کیا گیا کہ سیاسی اور سفارتی ذرائع کے ذریعے مسائل کے حل کے لیے جاری کوششوں کو آگے بڑھایا جائے گا اور باہمی مشاورت کا عمل مزید مؤثر بنایا جائے گا۔