گڈانی کشتی حادثے میں 6 ماہی گیر ڈوب گئے، 3 کو بچا لیا گیا

 گڈانی کے سمندر میں کشتی حادثے کے نتیجے میں 6 ماہی گیر ڈوب گئے، جن میں سے 3 افراد کو بحفاظت بچا لیا گیا۔

چیئرمین گڈانی وڈیرہ جان شیر بلوچ نے میڈیا سے گفتگو کرتے ہوئے بتایا کہ حادثے کے بعد سمندر میں ڈوبنے والے 6 افراد میں سے 3 کو ریسکیو کرکے بحفاظت نکال لیا گیا۔

انہوں نے بتایا کہ لاپتہ افراد میں سے ایک ماہی گیر کی لاش بھی سمندر سے برآمد کرلی گئی ہے، جبکہ مزید 2 افراد کی تلاش کے لیے ریسکیو کارروائیاں جاری ہیں۔

حکام کے مطابق لاپتہ ماہی گیروں کی تلاش کے لیے امدادی ٹیمیں سمندر میں سرچ آپریشن کررہی ہیں۔