بلوچستان کے سرکاری کالجز میں تقریبات اور تنظیمی سرگرمیوں پر پابندی

کوئٹہ: ڈائریکٹوریٹ آف کالجز و ہائر ایجوکیشن بلوچستان نے صوبے کے تمام سرکاری بوائز، گرلز، پوسٹ گریجویٹ، ڈگری اور انٹر کالجز میں تقریبات، تنظیمی سرگرمیوں اور مختلف پروگرامز کے انعقاد پر پابندی عائد کردی۔

جاری کیے گئے مراسلے کے مطابق کسی بھی تنظیم یا گروپ کو متعلقہ مجاز اتھارٹی کی پیشگی اجازت کے بغیر تقریب یا پروگرام منعقد کرنے کی اجازت نہیں ہوگی۔

مراسلے میں واضح کیا گیا ہے کہ احکامات کی خلاف ورزی کرنے والے ذمہ داران کے خلاف B.E.E.D.A Rules کے تحت محکمانہ کارروائی عمل میں لائی جائے گی۔

ڈائریکٹوریٹ آف کالجز و ہائر ایجوکیشن نے تمام سرکاری کالجز کے پرنسپلز کو ہدایت کی ہے کہ جاری احکامات پر سختی سے عملدرآمد یقینی بنایا جائے۔