انجینیئر میر محمد کھوسہ چیف انجینیئر سبی زون تعینات عہدے کا چارج سنبھال لیا

کوئٹہ(پ ر) محکمہ تعمیرات و مواصلات بلوچستان سبی زون کے نئے چیف انجینئر انجینئر میر محمد کھوسہ نے اپنے عہدے کا چارج سنبھال کر باقاعدہ طور پر فرائض کی انجام دہی شروع کردی ہے۔ ان کی تعیناتی پر محکمہ تعمیرات و مواصلات کے افسران و ملازمین، دفتر کے اسٹاف اور مختلف مکاتبِ فکر سے تعلق رکھنے والی شخصیات کی جانب سے انہیں مبارکباد اور نیک خواہشات کا اظہار کیا جا رہا ہے۔
مبارکباد دینے والے حلقوں نے امید ظاہر کی ہے کہ انجینئر میر محمد کھوسہ اپنی پیشہ ورانہ قابلیت، وسیع تجربے اور انتظامی صلاحیتوں کو بروئے کار لاتے ہوئے سبی زون میں جاری ترقیاتی منصوبوں کی رفتار مزید تیز کرنے، انہیں مقررہ مدت میں مکمل کرنے اور تعمیراتی کاموں کے معیار و مقدار کو یقینی بنانے میں مؤثر کردار ادا کریں گے۔
انجینئر میر محمد کھوسہ کی تعیناتی کو محکمہ تعمیرات و مواصلات سبی زون کے لیے ایک مثبت پیش رفت قرار دیتے ہوئے کہا گیا کہ ان کی قیادت میں ترقیاتی منصوبوں کی نگرانی، شفافیت، معیار اور محکمانہ امور میں مزید بہتری کی توقع ہے۔ اس موقع پر مختلف حلقوں نے ان کے لیے نیک تمناؤں کا اظہار کرتے ہوئے امید ظاہر کی کہ وہ سبی زون میں عوامی مفاد کے منصوبوں کی بروقت تکمیل اور علاقے کی تعمیر و ترقی کے عمل کو مزید مؤثر بنانے کے لیے اپنی صلاحیتیں بھرپور انداز میں استعمال کریں گے۔