ہنہ اوڑک میں دھماکہ، 2 افراد جاں بحق، 2 زخمی

ہنہ اوڑک میں دھماکہ، 2 افراد جاں بحق، 2 زخمی

کوئٹہ: ہنہ اوڑک کے علاقے ولی تنگی دوا روڈ پر آئی ای ڈی دھماکے کے نتیجے میں ٹیوب ویل کے ٹھیکیدار سمیت 2 افراد جاں بحق جبکہ 2 افراد زخمی ہوگئے۔

ذرائع کے مطابق دھماکے میں زخمی ہونے والے دونوں افراد کا تعلق کوئٹہ شہر سے ہے۔

واقعے کے بعد امدادی کارروائیاں شروع کردی گئی ہیں جبکہ زخمیوں کو طبی امداد کے لیے اسپتال منتقل کرنے کے انتظامات کیے جارہے ہیں۔

دھماکے کے بعد سیکیورٹی اہلکاروں نے علاقے کو گھیرے میں لے لیا ہے، جبکہ واقعے کی مزید تحقیقات جاری ہیں۔