حکومت کا پیٹرولیم مصنوعات کی قیمتیں برقرار رکھنے کا فیصلہ

اسلام آباد: حکومت نے پیٹرولیم مصنوعات کی قیمتوں میں مسلسل اضافے کے بعد آئندہ دو روز کے لیے قیمتیں برقرار رکھنے کا فیصلہ کر لیا۔

پیٹرولیم ڈویژن (وزارت توانائی) کی جانب سے جاری نوٹیفکیشن کے مطابق 25 جولائی 2026 کو مقرر کی گئی پیٹرولیم مصنوعات کی قیمتیں 26 اور 27 جولائی تک برقرار رہیں گی۔

نوٹیفکیشن کے مطابق پیٹرول کی قیمت 335 روپے 18 پیسے فی لیٹر جبکہ ہائی اسپیڈ ڈیزل کی قیمت 383 روپے 46 پیسے فی لیٹر برقرار رہے گی۔

حکومت کی جانب سے گزشتہ روز پیٹرول کی قیمت میں 3 روپے 66 پیسے فی لیٹر جبکہ ڈیزل کی قیمت میں 4 روپے 80 پیسے فی لیٹر اضافہ کیا گیا تھا۔ اس سے قبل بھی نئے طریقہ کار کے تحت مسلسل کئی روز تک پیٹرولیم مصنوعات کی قیمتوں میں اضافہ ریکارڈ کیا گیا۔

حکام کے مطابق فی الحال نئی قیمتوں میں کوئی تبدیلی نہیں کی گئی اور موجودہ نرخ 27 جولائی تک نافذ رہیں گے۔