وزیراعظم آزاد کشمیر کی بلاول بھٹو زرداری سے ملاقات

اسلام آباد: وزیراعظم آزاد کشمیر فیصل راٹھور اور چیئرمین پاکستان پیپلز پارٹی بلاول بھٹو زرداری کے درمیان ملاقات مکمل ہوگئی۔

ذرائع کے مطابق زرداری ہاؤس میں ہونے والی ملاقات ون آن ون ہوئی، جس میں مختلف سیاسی امور پر تبادلہ خیال کیا گیا۔

ملاقات کے دوران وزیراعظم آزاد کشمیر نے بلاول بھٹو زرداری کو آزاد کشمیر پارلیمانی اجلاس سے متعلق بریفنگ دی۔

ذرائع کا کہنا ہے کہ ملاقات کے اختتام پر چیئرمین پیپلز پارٹی بلاول بھٹو زرداری ایوانِ صدر روانہ ہوگئے۔