کلی کمالو میں پولیس چھاپے کے دوران فائرنگ، تین ملزمان اور ایک اہلکار زخمی

کوئٹہ: شالکوٹ کے علاقے میں گرفتار ملزمان کی نشاندہی پر پولیس نے کلی کمالو میں ایک گھر پر چھاپہ مارا۔

پولیس کے مطابق چھاپے کے دوران ملزمان اور اہلکاروں کے درمیان فائرنگ کا تبادلہ ہوا۔

فائرنگ کے نتیجے میں موٹرسائیکل چھیننے میں ملوث تین ملزمان زخمی ہوگئے جبکہ ایک پولیس کانسٹیبل محمد بلال بھی زخمی ہوا۔

تمام زخمیوں کو فوری طور پر سول ہسپتال منتقل کر دیا گیا ہے، جبکہ پولیس واقعے کی مزید تفتیش کر رہی ہے۔