کوئٹہ میں ترقیاتی منصوبے تیزی سے مکمل کیے جا رہے ہیں،نسیم الرحمان ملاخیل

صوبائی مشیر برائے ماحولیات و موسمیاتی تبدیلی نسیم الرحمان خان ملاخیل نے کہا ہےکہ کوئٹہ کے مختلف علاقوں میں سڑکوں کی تعمیر و مرمت، پینے کے صاف پانی کی فراہمی اور تعلیمی اداروں کی بہتری کے منصوبے ترجیحی بنیادوں پر مکمل کیے جا رہے ہیں،ان خیالات کا اظہار انھوں نے اپنے دفتر میں مختلف وفود سے گفتگو کرتےہوئے کیا۔انھوں نے کہا کہ آنےوالے بجٹ میں تعلیم،صحت صفائی و بلدیات کے شعبوں میں نئے ترقیاتی منصوبوں کے لیے رقم مختص کی جائے گی اور عوامی فلاح و بہبود کے لیے جاری ترقیاتی منصوبوں میں مزید تیزی لائی جائیگی کیونکہ حکومت عوام کو بنیادی سہولیات فراہم کرنے کے لیے پرعزم ہے اور اس سلسلے میں کسی قسم کی کوتاہی برداشت نہیں کی جائے گی نسیم الرحمان ملاخیل نے کہا کہ ترقیاتی منصوبوں کی نگرانی کا عمل سخت کر دیا گیا ہے تاکہ شفافیت کو یقینی بنایا جا سکے۔مشیر ماحولیات و تبدیلی نے اس بات پر زور دیا کہ تمام ترقیاتی کاموں میں جدیدٹیکنالوجی کا استعمال کیا جائے گا تاکہ معیار اور رفتار دونوں کو بہتر بنایا جا سکے۔انہوں نےشہریوں سے بھی اپیل کی کہ وہ ترقیاتی کاموں کی نگرانی میں اپنا کردار ادا کریں اور کسی بھی تجویز یا شکایت کے لیے انتظامیہ سے بروقت رابطہ کریں تاکہ ترقیاتی منصوبوں کو بروقت مکمل کیا جاسکے۔

Browse Posts

ترقیاتی اسکیمات کا معیار ہر صورت برقرار رکھا جائے ، منیر احمد درانی

بلوچستان میں صحت کے شعبے میں سرمایہ کاری کے وسیع مواقع موجود ہیں، بلال خان کاکڑ

وزیر اعلیٰ بلوچستان میر سرفراز بگٹی کی جیکب آباد آمد، میر اعجاز حسین جکھرانی کے بیٹے میر زید جکھرانی کے انتقال پر تعزیت و فاتحہ خوانی