کچلاک بازار میں تجاوزات کے خلاف بڑا آپریشن، 10 افراد گرفتار

کچلاک بازار میں تجاوزات کے خلاف اپریشن
عوامی شکایات پر کچلاک میں تجاوزات کے خلاف بھرپور آپریشن کیا گیا، جس کے دوران 10 افراد کو گرفتار کرکے جیل منتقل کردیا گیا۔

ڈپٹی کمشنر کوئٹہ مہراللہ بادینی کے احکامات پر اسسٹنٹ کمشنر (کچلاک) کیپٹن (ر) کبیر مزاری نے میٹروپولیٹن کارپوریشن، پولیس اور ٹریفک پولیس کے ہمراہ مشترکہ کارروائیاں کیں۔ آپریشن کے دوران ہیوی مشینری کے ذریعے متعدد جھگیاں، تھڑے اور برآمدے مسمار کیے گئے۔

انتظامیہ کی جانب سے متعدد دکانداروں اور افراد کو سخت وارننگ بھی جاری کی گئی۔ کارروائی کے نتیجے میں سڑکوں سے تمام تجاوزات کا خاتمہ کرکے ٹریفک کی روانی مکمل طور پر بحال کردی گئی۔