سریاب میں گرانفروشوں کے خلاف بڑا کریک ڈاؤن، 16 افراد گرفتار

سریاب میں گرانفروشوں کے خلاف ڈپٹی کمشنر کوئٹہ مہراللہ بادینی کے احکامات پر بڑا کریک ڈاؤن کیا گیا
●16 افراد گرفتار
ضلعی انتظامیہ، میٹروپولیٹن کارپوریشن اور پولیس کی مشترکہ کارروائی کے دوران سریاب کے مختلف علاقوں میں گوشت، چکن اور دیگر اشیائے خوردونوش کی دکانوں پر چھاپے مارے گئے۔

کارروائی کے دوران 16 افراد کو گرفتار کر کے جیل منتقل کر دیا گیا۔ متعدد دکان داروں کے خلاف قوانین کی خلاف ورزی پر کارروائی عمل میں لائی گئی جبکہ گرانفروشی میں ملوث عناصر کو سخت وارننگ بھی جاری کی گئی۔

ضلعی انتظامیہ کے مطابق شہریوں کو ریلیف فراہم کرنا اور مقررہ نرخوں پر اشیاء کی دستیابی کو یقینی بنانا اولین ترجیح ہے، اور اس سلسلے میں کارروائیاں جاری رہیں گی۔