سونا مزید مہنگا، عالمی اور مقامی مارکیٹوں میں قیمت میں اچانک بڑا اضافہ

کراچی: عالمی اور مقامی مارکیٹوں میں آج سونے کی قیمت میں اچانک اور نمایاں اضافہ دیکھنے میں آیا۔

بین الاقوامی بلین مارکیٹ میں بدھ کے روز فی اونس سونے کی قیمت میں 157 ڈالر کا اضافہ ریکارڈ کیا گیا، جس کے نتیجے میں نئی عالمی قیمت 4,814 ڈالر فی اونس ہو گئی۔

عالمی مارکیٹ کے اثرات کے تحت مقامی صرافہ بازاروں میں بھی فی تولہ 24 قیراط سونے کی قیمت میں 15,700 روپے اضافہ ہوا اور نئی قیمت 504,162 روپے تک پہنچ گئی۔ اسی طرح فی 10 گرام سونے کی قیمت میں 13,460 روپے کا اضافہ ہوا اور یہ 432,237 روپے پر پہنچ گئی۔

سونے کے ساتھ ساتھ چاندی کی قیمتوں میں بھی اضافہ ہوا۔ فی تولہ چاندی کی قیمت 440 روپے بڑھ کر 8,184 روپے اور فی 10 گرام چاندی کی قیمت 377 روپے اضافے کے بعد 7,016 روپے تک جا پہنچی۔