ایران امریکا جنگ بندی؛ کامیاب سفارتکاری پر پی ٹی آئی کی حکومتی کردار کی تعریف

پاکستان تحریک انصاف (پی ٹی آئی) نے ایران اور امریکا کے درمیان دو ہفتوں کی جنگ بندی کو مثبت پیش رفت قرار دیتے ہوئے اس کا خیرمقدم کیا اور حکومتی سفارتی کردار کی تعریف کی۔

پارٹی کا کہنا ہے کہ جنگ کبھی بھی مسائل کا حل نہیں ہوتی، جبکہ مذاکرات اور سفارتکاری ہی پائیدار امن کے حصول کا واحد راستہ ہیں۔ تاریخ ثابت کر چکی ہے کہ جنگیں صرف تباہی اور جانی نقصان لاتی ہیں، جن سے گریز کرنا دانشمندی ہے۔

پی ٹی آئی نے جنگ بندی میں کردار ادا کرنے والے تمام فریقین اور پاکستان کی سفارتی کوششوں کو سراہتے ہوئے خطے میں دیرپا امن کے قیام پر زور دیا۔