مستونگ: لکپاس میں سیکیورٹی چوکی پر حملہ، 2 اہلکار زخمی

مستونگ (رپورٹ) مستونگ کے علاقے لکپاس میں نامعلوم مسلح افراد نے سیکیورٹی فورسز کی چوکی پر حملہ کر دیا۔ ذرائع کے مطابق حملہ آوروں نے اچانک فائرنگ کی، جس کے نتیجے میں فرنٹیئر کور (ایف سی) کے دو اہلکار زخمی ہو گئے۔

واقعے کے بعد علاقے میں شدید کشیدگی پائی جاتی ہے جبکہ لکپاس کے مقام پر سیکیورٹی خدشات کے پیش نظر ٹریفک کی آمدورفت معطل کر دی گئی ہے۔

ذرائع کا مزید کہنا ہے کہ حملہ آوروں نے لکپاس کمبیلا کے پہاڑی علاقے میں نصب ریڈار سسٹم کو بھی آگ لگا دی، جس سے اہم تنصیبات کو نقصان پہنچنے کا خدشہ ظاہر کیا جا رہا ہے۔

سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے جبکہ مزید تفصیلات کا انتظار ہے۔