عمران خان کے وکیل کے ناقابل ضمانت وارنٹ جاری، گرفتار کرکے پیش کرنے کا حکم

اسلام آباد کی انسدادِ دہشت گردی عدالت نے خاور مانیکا پر مبینہ تشدد کے کیس میں اہم پیش رفت کرتے ہوئے بانی پی ٹی آئی کے وکیل فتح اللہ برکی کے ناقابلِ ضمانت وارنٹِ گرفتاری جاری کر دیے ہیں اور انہیں گرفتار کر کے عدالت میں پیش کرنے کا حکم دیا ہے۔

یہ کیس پی ٹی آئی وکلا کے خلاف تھانہ سیکرٹریٹ میں درج ہے، جس میں خاور مانیکا پر تشدد کا الزام عائد کیا گیا ہے۔

سماعت انسداد دہشت گردی عدالت کے جج طاہر عباس سپرا نے کی، جس میں زاہد بشیر ڈار، انصر کیانی اور دیگر ملزمان عدالت میں پیش ہوئے، جبکہ پی ٹی آئی وکلا کی جانب سے کومل جدون ایڈووکیٹ بھی عدالت میں موجود تھیں۔