پیپلز پارٹی قیادت کا سینیٹر عمر گورگیج سے رابطہ، سیاسی صورتحال پر گفتگو

پاکستان پیپلز پارٹی کے اعلیٰ قیادت نے صوبائی صدر پاکستان پیپلز پارٹی بلوچستان، سینیٹر سردار عمر گورگیج سے ٹیلیفونک رابطہ کیا۔ اس موقع پر ملک کی مجموعی سیاسی صورتحال اور بالخصوص قومی اسمبلی کے حلقہ این اے-256 خضدار کے ضمنی انتخاب پر تفصیلی تبادلۂ خیال کیا گیا۔

اعلیٰ قیادت نے ہدایت جاری کی کہ پاکستان پیپلز پارٹی کے تمام جیالے، عہدیداران، اراکینِ صوبائی اسمبلی (MPAs)، اراکینِ قومی اسمبلی (MNAs) اور سینیٹرز بھرپور انداز میں پارٹی امیدوار میر شفیق الرحمٰن مینگل کی کامیابی کے لیے متحرک ہوں۔

Browse Posts

ریڑھیوں کیلئے متبادل جگہ مختص کرکے رجسٹریشن کی جائیگی ،شاہزیب کاکڑ

غیر رجسٹرڈ ادارے قانونی حیثیت کھو دیں گے، ڈپٹی کمشنر کوئٹہ مہر اللہ بادینی

منافع خوروں کیخلاف سخت کارروائیاں کی جائیں،ڈی سی کوئٹہ

اعلیٰ قیادت نے وزیراعلیٰ بلوچستان کو بھی ہدایت کی کہ وہ ضمنی انتخاب میں پارٹی امیدوار کی کامیابی کے لیے مؤثر اور بھرپور کردار ادا کریں

انہوں نے اس بات پر زور دیا کہ این اے-256 خضدار کے ضمنی انتخاب میں پارٹی کی کامیابی نہ صرف عوامی خدمت کے تسلسل کو یقینی بنائے گی بلکہ پاکستان پیپلز پارٹی کے منشور اور عوامی اعتماد کی بھی عکاسی کرے گی۔

اعلیٰ قیادت نے پارٹی کارکنان کو ہدایت کی کہ وہ منظم اور پرامن انداز میں انتخابی مہم چلائیں اور عوام سے بھرپور رابطہ رکھیں تاکہ پارٹی امیدوار کو کامیاب بنایا جا سکے۔