احمد خان اچکزئی کی کوششوں سے سیگی اور ترین قبائل میں دو ماہ کیلئے جنگ بندی کا معاہدہ

احمد خان اچکزئی کی کوششوں سے سیگی اور ترین قبائل میں دو ماہ کیلئے جنگ بندی کا معاہدہ

پشتون بیلٹ کے عمائدین احمد خان اچکزئی کے مصلحتی کردار کی بھرپور تائید اور عملی تعاون کا اعلان۔

Browse Posts

ریڑھیوں کیلئے متبادل جگہ مختص کرکے رجسٹریشن کی جائیگی ،شاہزیب کاکڑ

غیر رجسٹرڈ ادارے قانونی حیثیت کھو دیں گے، ڈپٹی کمشنر کوئٹہ مہر اللہ بادینی

منافع خوروں کیخلاف سخت کارروائیاں کی جائیں،ڈی سی کوئٹہ

خونریزی کا خاتمہ ترجیح ہے، فریقین کے معتبرین امن کیلئے ہمارے کنٹرول میں ہیں ۔احمد خان اچکزئی

قلعہ عبداللہ (اچکزئی ہاؤس گلستان) ممتاز قبائلی وسیاسی شخصیت احمد خان اچکزئی کی مدبرانہ کوششیں رنگ لے آئیں، سیگی اور ترین قبائل کے درمیان عرصہ دراز سے جاری خونی تنازع دو ماہ کیلئے جنگ بندی میں تبدیل ہو گیا۔ احمد خان اچکزئی نے روایتی پشتون ولی اور اسلامی بھائی چارے کے جذبے کے تحت دونوں قبائل کے درمیان نہ صرف سیز فائر کرایا بلکہ علاقے کے بااثر معتبرین کو اپنی ضمانت اور کنٹرول میں لے کر مستقل مصلحت اور صلح کے عمل کا باقاعدہ آغاز کر دیا ہے۔اس انسانی اور اسلامی ہمدردی کے اقدام کو پشتون بیلٹ کی تمام اقوام اور مکاتبِ فکر نے زبردست خراجِ تحسین پیش کیا ہے۔ عوامی حلقوں کا کہنا ہے کہ احمد خان اچکزئی نے اپنی سیاسی بصیرت سے ایک بڑے انسانی المیے کو ٹال دیا ہے۔ اس موقع پر پشتون بیلٹ کے مختلف قبائل کے عمائدین نے احمد خان اچکزئی سے ملاقاتیں کیں اور نہ صرف ان کا شکریہ ادا کیا بلکہ مصلحتی عمل میں اپنے مکمل اور عملی تعاون کا پختہ عزم بھی دہرایا۔احمد خان اچکزئی نے اس حوالے سے گفتگو کرتے ہوئے کہا کہ “پشتونوں کا خون بہنا ہمارے لیے ناقابلِ برداشت ہے، اسلام اور ہماری روایات ہمیں امن کا درس دیتی ہیں۔” انہوں نے واضح کیا کہ معتبرین کو اعتماد میں لینے کا مقصد صلح کے عمل کو کسی بھی ممکنہ رکاوٹ سے بچانا ہے تاکہ علاقے میں پائیدار امن قائم ہو سکے۔ سیاسی و سماجی حلقوں نے اس پیشرفت کو خطے کی ترقی اور قبائلی عداوتوں کے خاتمے کیلئے ایک روشن مثال قرار دیا ہے۔ توقع ظاہر کی جا رہی ہے کہ اس دو ماہ جنگ بندی کے دوران فریقین کے مابین تمام تصفیہ طلب معاملات کو جرگہ سسٹم کے ذریعے مستقل طور پر حل کر لیا جائے گا۔