اسلام آباد:الیکشن کمیشن نے پی ٹی آئی کے سینیٹر مراد سعید کو نااہل قرار دے دیا

اسلام آباد: الیکشن کمیشن آف پاکستان نے سینیٹر مراد سعید کو نااہل قرار دے کر ڈی نوٹیفائی کر دیا۔

الیکشن کمیشن کی جانب سے جاری نوٹیفکیشن کے مطابق مراد سعید کو انسداد دہشتگردی عدالت راولپنڈی کی جانب سے 10 سال قید کی سزا سنائے جانے کے بعد یہ کارروائی عمل میں لائی گئی۔

اعلامیے میں کہا گیا ہے کہ نااہلی آئین کے آرٹیکل 63(1)(h) کے تحت کی گئی، جس کے بعد خیبرپختونخوا سے سینیٹ کی جنرل نشست خالی قرار دے دی گئی۔