سونے کی قیمتیں آسمان سے نیچے آ گریں، اچانک بڑی کمی ریکارڈ

کراچی: عالمی اور مقامی مارکیٹ میں سونے کی قیمتوں میں اچانک نمایاں کمی دیکھنے میں آئی، جس کے ساتھ ہی چاندی بھی سستی ہوگئی۔

بین الاقوامی بلین مارکیٹ میں فی اونس سونے کی قیمت میں 243 ڈالر کی بڑی کمی ہوئی، جس کے بعد نئی عالمی قیمت 4,767 ڈالر کی سطح پر آ گئی۔

مقامی صرافہ بازاروں میں فی تولہ سونے کی قیمت 24,300 روپے کم ہو کر 4,99,462 روپے ہو گئی، جبکہ فی 10 گرام سونے کی قیمت بھی 20,833 روپے کی کمی کے بعد 4,28,208 روپے تک آ گئی۔

سونے کے ساتھ ساتھ چاندی کی قیمتوں میں بھی کمی ریکارڈ کی گئی، فی تولہ چاندی 760 روپے سستی ہو کر 7,734 روپے جبکہ فی 10 گرام چاندی 652 روپے کمی کے بعد 6,630 روپے ہو گئی۔