مولانا فضل الرحمن کے بیٹے کے اسکواڈ کی گاڑی کو حادثہ، 2 افراد جاں بحق

سی پیک روٹ پر وانڈہ یارک کے قریب پیش آنے والے ٹریفک حادثے میں جمعیت علمائے اسلام (جے یو آئی) کے سربراہ مولانا فضل الرحمن کے بیٹے اسجد محمود کے اسکواڈ کی گاڑی حادثے کا شکار ہو گئی، جس کے نتیجے میں دو افراد جاں بحق ہو گئے۔

پولیس کے مطابق حادثہ اس وقت پیش آیا جب گاڑی پھسل کر سڑک سے نیچے جا گری۔ واقعے کے وقت گاڑی میں چار افراد سوار تھے۔

حادثے کے نتیجے میں دو افراد موقع پر ہی جاں بحق جبکہ ایک شخص زخمی ہو گیا، جسے فوری طور پر طبی امداد کے لیے منتقل کر دیا گیا، جبکہ ڈرائیور محفوظ رہا۔

پولیس نے واقعے کی مزید تحقیقات شروع کر دی ہیں۔