مشرق وسطیٰ میں کشیدگی: پی آئی اے کی فجیرہ کے لیے پروازیں معطل

خلیجی خطے میں سیکیورٹی صورتحال کے پیش نظر پاکستان انٹرنیشنل ایئرلائنز (پی آئی اے) نے فجیرہ کے لیے اپنی پروازیں عارضی طور پر معطل کر دی ہیں۔

پی آئی اے کے اعلامیے کے مطابق اگلے 48 گھنٹوں کے لیے فجیرہ جانے والی تمام پروازیں فوری طور پر روک دی گئی ہیں، جبکہ یہ فیصلہ خطے میں پیدا ہونے والی غیر یقینی صورتحال کے باعث کیا گیا ہے۔

ترجمان کے مطابق متحدہ عرب امارات کے شہر العین کے لیے پروازیں معمول کے مطابق جاری رہیں گی، اور فی الحال پی آئی اے کی یو اے ای کے لیے پروازیں صرف العین تک محدود رہیں گی۔