رجب بٹ سے صلح کی کوششوں پر ایمان فاطمہ نے خاموشی توڑ دی

معروف وی لاگر رجب بٹ کی اہلیہ ایمان فاطمہ نے شوہر سے ممکنہ صلح کی خبروں پر خاموشی توڑ دی ہے۔

رجب بٹ اور ایمان فاطمہ کے درمیان شادی کے تقریباً ایک سال بعد اختلافات شدت اختیار کر گئے، جس کے بعد علیحدگی کی اطلاعات سامنے آئیں۔ حال ہی میں رجب بٹ کی جانب سے ایمان کو طلاق کا نوٹس بھی بھجوایا گیا، جبکہ سوشل میڈیا پر صلح کی افواہیں بھی گردش کر رہی ہیں، تاہم دونوں میں سے کسی نے بھی اس کی تصدیق نہیں کی۔

دوسری جانب ایمان فاطمہ نے اپنے بھائی عون شیخ اور بیٹے کیوان کے ساتھ ایک ٹرپ کی تصاویر شیئر کیں، جن میں وہ خوشگوار موڈ میں دکھائی دیں۔ انہوں نے ایک معنی خیز پیغام بھی شیئر کیا کہ “سفر انسان کو سکون دیتا ہے، اسی لیے وہ آگے بڑھتی رہتی ہیں”۔

مداحوں کی جانب سے ان کی ہمت اور مثبت رویے کو سراہا جا رہا ہے، جبکہ کچھ صارفین انہیں بیٹے کی خاطر صلح کا مشورہ دے رہے ہیں اور بعض کا کہنا ہے کہ انہیں اپنی خوشی اور ذہنی سکون کو ترجیح دینی چاہیے۔