آپریشن غضب للحق، پاک افواج کےکابل اور ننگرہار میں کامیاب فضائی حملے، ایمونیشن اور ٹیکنیکل انفرااسٹرکچر تباہ کردیا

آپریشن “غضب للحق” کے تحت پاک افواج کی فضائی کارروائیاں جاری ہیں، جن میں کابل اور ننگرہار میں اہم اہداف کو نشانہ بنایا گیا۔

سکیورٹی ذرائع کے مطابق 16 مارچ کی شب پاک افواج نے افغان طالبان کی فوجی تنصیبات پر کامیاب فضائی حملے کیے۔ کابل میں دو مختلف مقامات پر ٹیکنیکل سپورٹ انفرااسٹرکچر اور اسلحہ ذخیرہ کرنے والے مراکز کو مؤثر انداز میں تباہ کیا گیا۔

ذرائع کے مطابق حملوں کے بعد ہونے والی شدید ثانوی دھماکوں (سیکنڈری ڈیٹونیشن) سے ظاہر ہوتا ہے کہ نشانہ بننے والے مقامات پر بھاری مقدار میں بارود موجود تھا۔

سکیورٹی ذرائع کا کہنا ہے کہ ذبیح اللہ مجاہد کی جانب سے ڈرگ اسپتال کو نشانہ بنانے کا بیان بے بنیاد اور گمراہ کن ہے۔

مزید کارروائیوں میں ننگرہار کے چار مختلف مقامات پر بھی افغان طالبان کی ملٹری تنصیبات کو نشانہ بنایا گیا، جہاں لاجسٹک اور ٹیکنیکل انفرااسٹرکچر کے ساتھ ساتھ ایمونیشن ذخائر کو بھی تباہ کیا گیا۔

سکیورٹی ذرائع کے مطابق آپریشن “غضب للحق” کے تحت کارروائیاں اپنے اہداف کے مکمل حصول تک جاری رہیں گی۔