متحدہ عرب امارات پر حملوں میں ایک اور پاکستانی جاں بحق

حالیہ کشیدگی کے دوران ایک اور پاکستانی شہری جاں بحق ہو گیا، جس کے بعد امارات میں ہلاک ہونے والے پاکستانیوں کی تعداد تین ہو گئی ہے۔

اماراتی حکام کے مطابق فضائی دفاعی نظام نے بیلسٹک میزائل حملے کو ناکام بنایا، تاہم ابوظبی کے علاقے بنی یاس میں میزائل کے ٹکڑے گرنے سے ایک پاکستانی شہری جان کی بازی ہار گیا۔

رپورٹس کے مطابق حالیہ حملوں میں مجموعی طور پر 7 افراد جاں بحق ہوئے ہیں، جن میں تین پاکستانی شہری بھی شامل ہیں۔ ان میں سے ایک دبئی میں جبکہ دو ابوظبی میں جاں بحق ہوئے۔

حکام کا کہنا ہے کہ فضائی دفاعی نظام نے بروقت کارروائی کر کے بڑے نقصان سے بچا لیا، تاہم گرنے والے ملبے کے باعث جانی نقصان پیش آیا۔