کراچی میں بلوچستان لبریشن آرمی کے خلاف سی ٹی ڈی کی بڑی کامیابی

شاہ لطیف ٹاؤن ملیر میں 17 فروری کو ہلاک ہونے والا دہشت گرد کالعدم تنظیم بی ایل اے کا اہم کمانڈر نکلا۔

تفصیلات کے مطابق 17 فروری کو ہونے والے آپریشن میں سی ٹی ڈی نے پہلے سے گرفتار دہشت گردوں سے ملنے والی معلومات کی بنیاد پر ایک مشتبہ ٹھکانے کا محاصرہ کیا۔ اس دوران دہشت گردوں سے شدید فائرنگ کا تبادلہ ہوا، جس کے نتیجے میں چار انتہائی مطلوب دہشت گرد مارے گئے۔

Browse Posts

سردار وقاص شہزاد کا جنوبی افریقہ کے ہائی کمشنر روڈولف پیئر جورڈان سے ملاقات

وزیراعظم کی سربراہی میں پاکستان ترقی کی راہ پر گامزن ہے،شازیہ جدون

اکرام الدین کا عامر سلطان ترین کو وزیر اعلی کے پی کے پرنسپل سیکرٹری مقرر ہونے پر مبارک

حکام کے مطابق ہلاک دہشت گردوں میں سے تین کی فوری شناخت ہو گئی تھی، جبکہ چوتھے کی شناخت بعد ازاں انٹیلی جنس تحقیقات کے ذریعے کی گئی۔

شناخت ہونے والا دہشت گرد سہیل بلوچ عرف “گرک” تھا، جو بی ایل اے کے الفتح اسکواڈ کا اہم کمانڈر اور ایک مطلوب دہشت گرد تھا۔ وہ پہلے بلوچ لبریشن فرنٹ سے وابستہ رہا اور 2022 میں بی ایل اے میں شامل ہو کر سرگرم کردار ادا کرتا رہا۔

حکام کے مطابق سہیل بلوچ متعدد بڑی دہشت گرد کارروائیوں کی منصوبہ بندی، دہشت گردوں کے درمیان رابطہ کاری، اور اسلحہ و لاجسٹک معاونت فراہم کرنے میں ملوث تھا۔

مزید بتایا گیا کہ وہ خضدار میں ڈپٹی کمشنر پنجگور زاکر بلوچ کی ٹارگٹ کلنگ سمیت کئی حملوں میں ملوث رہا اور 50 سے زائد سیکیورٹی اہلکاروں اور شہریوں کے قتل میں اس کا کردار سامنے آیا۔

سہیل بلوچ بولان کے علاقے میں الفتح اسکواڈ کا کمانڈر تھا اور مختلف دہشت گردوں سے رابطے میں تھا۔ اس پر جعفر ایکسپریس حملے کے لیے خودکش بمبار فراہم کرنے کا بھی الزام تھا۔

حکام کے مطابق وہ سڑکوں پر ناکے لگا کر لوٹ مار کی وارداتوں میں بھی ملوث رہا۔ سیکیورٹی اداروں کا کہنا ہے کہ اس کی ہلاکت سے بی ایل اے کے نیٹ ورک کو بڑا دھچکا پہنچا ہے اور کراچی میں ممکنہ بڑے دہشت گرد حملے کا منصوبہ ناکام بنا دیا گیا۔