قلعہ سیف اللہ میں سیاسی و قبائلی رہنما کے فرزند پر ہینڈ گرنیڈ حملہ، 3 افراد زخمی

​قلعہ سیف اللہ:(نامہ نگار صحافت)سیاسی و قبائلی رہنما نوابزادہ محبوب خان جوگیزئی کے فرزند نوابزادہ سکندر خان جوگیزئی پر نامعلوم افراد کی جانب سے ہینڈ گرنیڈ سے حملہ کیا گیا ہے۔​حملے کے نتیجے میں 3 افراد معمولی زخمی ہوئے، جنہیں فوری طبی امداد کے لیے سول ہسپتال قلعہ سیف اللہ منتقل کر دیا گیا ہے۔ تمام زخمیوں کی حالت خطرے سے باہر بتائی جاتی ہےنامعلوم موٹر سائیکل سوار واقعے کے بعد فرار ہونے میں کامیاب ہو گئے​ قلعہ سیف اللہ شہر میں گزشتہ چند مہینوں کے دوران یہ تیسرا ہینڈ گرنیڈ حملہ ہے، جس کےباعث سماجی و عوامی حلقوں میں سخت خوف و ہراس اور تشویش پائی جاتی ہےپولیس نے علاقے کو گھیرے میں لے کر تحقیقات کا آغاز کر دیا ہے۔