رحیم یار خان: امدادی رقم کی تقسیم کے موقع پر چھت گرنے سے 5 خواتین جاں بحق

رحیم یار خان کے چک 125 پی میں امدادی رقم وصول کرنے کے لیے جمع خواتین پر دکان کی چھت اچانک گر گئی، جس کے نتیجے میں 5 خواتین جاں بحق ہو گئیں۔

رحیم یار خان پولیس کے مطابق حادثے میں متعدد خواتین زخمی بھی ہوئیں۔

ڈپٹی کمشنر ظہیر انور نے تصدیق کی کہ 5 خواتین جاں بحق ہوئیں جبکہ کئی زخمی بھی ہیں۔

شیخ زید کالج اسپتال کے پرنسپل کے مطابق حادثے میں زخمی ہونے والی 30 خواتین کو اسپتال منتقل کیا گیا ہے۔