وزیراعلیٰ پنجاب اور نواز شریف کیخلاف چوہدری شوگر ملز ریفرنس بند کرنے کے کیس میں اہم پیشرفت

لاہور: احتساب عدالت نے وزیر اعلیٰ پنجاب مریم نواز اور سابق وزیراعظم نواز شریف کے خلاف چوہدری شوگر ملز ریفرنس بند کرنے کے کیس میں ڈی جی نیب کو فوری ذاتی حیثیت میں طلب کرلیا۔

احتساب عدالت کے جج رانا عارف نے نیب کی ریفرنس بند کرنے کی درخواست پر سماعت کی، جس میں مریم نواز کی نمائندگی میں جاوید ارشد بھٹی ایڈووکیٹ پیش ہوئے۔

عدالت نے تفتیشی کی عدم پیشی اور ریکارڈ نہ پیش کرنے پر ڈی جی نیب کو طلب کیا۔

نیب نے عدالت سے استدعا کی کہ مریم نواز اور نواز شریف کے خلاف چوہدری شوگر ملز کیس میں کرپشن کے شواہد نہیں ملے، لہٰذا عدالت ریفرنس بند کرنے کی منظوری دے۔