بلوچستان میں صحت کی سہولیات کی بہتری، مفت علاج کی فراہمی اور عوامی مسائل کا حل ہماری اولین ترجیح ہے، بخت محمد کاکڑ

صوبائی وزیر صحت بلوچستان بخت محمد کاکڑ نے کہا ہے کہ صوبے کے عوام کو معیاری طبی سہولیات کی فراہمی، سرکاری ہسپتالوں میں علاج معالجے کے نظام کو بہتر بنانے، مستحق مریضوں کو مفت علاج کی سہولت فراہم کرنے اور عوام کو درپیش صحت کے مسائل کا حل حکومت کی اولین ترجیحات میں شامل ہے۔ صحت مند معاشرہ ہی ترقی، خوشحالی اور بہتر مستقبل کی ضمانت ہے، اس لیے حکومت بلوچستان عوام کو ان کی دہلیز پر طبی سہولیات فراہم کرنے کے لیے عملی اقدامات کر رہی ہے۔اپنے ایک بیان میں صوبائی وزیر صحت بخت محمد کاکڑ نے کہا کہ وزیراعلیٰ بلوچستان میر سرفراز بگٹی کے وژن کے مطابق صوبے کے طبی نظام کو بہتر بنانے، سرکاری ہسپتالوں میں جدید طبی سہولیات کی فراہمی اور مریضوں کو علاج معالجے کی بہتر سہولیات فراہم کرنے کے لیے اقدامات کیے جا رہے ہیں۔ حکومت کی کوشش ہے کہ کسی بھی شہری کو مالی مشکلات کے باعث علاج سے محروم نہ رہنا پڑے اور غریب و مستحق مریضوں کو بروقت طبی امداد فراہم کی جا سکے۔انہوں نے کہا کہ بلوچستان کے دور دراز علاقوں میں صحت کی سہولیات کی فراہمی خصوصی اہمیت رکھتی ہے۔ صوبے کے مختلف اضلاع میں طبی مراکز کو فعال بنانے، ہسپتالوں میں ضروری سہولیات کی دستیابی اور عوام کو علاج معالجے کے لیے درپیش مشکلات کم کرنے پر توجہ دی جا رہی ہے۔ عوام کو بہتر طبی سہولیات فراہم کرنے کے لیے متعلقہ اداروں کو اپنی ذمہ داریاں مو¿ثر انداز میں ادا کرنا ہوں گی۔بخت محمد کاکڑ نے کہا کہ سرکاری ہسپتالوں میں مریضوں کو ادویات، تشخیصی ٹیسٹ، طبی آلات اور دیگر ضروری سہولیات کی فراہمی کو بہتر بنانا وقت کی اہم ضرورت ہے۔ ہسپتالوں میں آنے والے مریضوں کے ساتھ حسنِ سلوک، بروقت تشخیص اور معیاری علاج کو یقینی بنانے کے لیے طبی عملے کو بھی اپنا کردار بھرپور طریقے سے ادا کرنا چاہیے۔صوبائی وزیر صحت نے کہا کہ غریب اور مستحق مریضوں کو مفت یا کم خرچ علاج کی فراہمی حکومت کی سماجی ذمہ داری ہے۔ اس مقصد کے لیے دستیاب وسائل کو عوامی ضروریات کے مطابق استعمال کرنے اور علاج معالجے کی سہولیات کو مزید مو¿ثر بنانے کی ضرورت ہے تاکہ عوام کو نجی ہسپتالوں کے بھاری اخراجات کا بوجھ کم سے کم برداشت کرنا پڑے۔انہوں نے مزید کہا کہ صحت کے شعبے میں بہتری صرف ہسپتالوں کی تعمیر تک محدود نہیں بلکہ طبی عملے کی دستیابی، ادویات کی فراہمی، جدید مشینری کی فعالیت، صفائی کے بہتر انتظامات اور مریضوں کی دیکھ بھال بھی اتنی ہی اہمیت رکھتے ہیں۔ حکومت ان تمام پہلوو¿ں کو مدنظر رکھتے ہوئے صحت کے نظام کو عوام دوست بنانے کے لیے اقدامات کر رہی ہے۔بخت محمد کاکڑ نے کہا کہ عوامی مسائل کے حل کے لیے متعلقہ حکام کو عوامی شکایات پر توجہ دینی چاہیے اور ہسپتالوں میں درپیش مشکلات کے ازالے کے لیے مو¿ثر طریقہ کار اختیار کرنا چاہیے۔ مریضوں اور ان کے لواحقین کو غیر ضروری پریشانی سے بچانا، علاج میں تاخیر کی وجوہات دور کرنا اور طبی سہولیات تک آسان رسائی یقینی بنانا ہماری مشترکہ ذمہ داری ہے۔انہوں نے کہا کہ حکومت بلوچستان صحت کے شعبے میں بہتری کے لیے دستیاب وسائل بروئے کار لاتے ہوئے عوام کو زیادہ سے زیادہ ریلیف فراہم کرنے کے لیے پرعزم ہے۔ دور دراز علاقوں کے عوام، خواتین، بچوں، بزرگوں اور دیگر مستحق افراد کو طبی سہولیات کی فراہمی پر خصوصی توجہ دینے کی ضرورت ہے تاکہ صوبے کے ہر شہری کو بہتر علاج کے مواقع میسر آ سکیں۔صوبائی وزیر صحت بخت محمد کاکڑ نے اس عزم کا اظہار کیا کہ عوام کو صحت کی بہتر سہولیات فراہم کرنے، مفت علاج کے مواقع بڑھانے، سرکاری ہسپتالوں کے مسائل حل کرنے اور طبی نظام میں بہتری لانے کے لیے کوششیں جاری رکھی جائیں گی۔ انہوں نے کہا کہ صحت کے شعبے میں حقیقی بہتری کے لیے حکومت، طبی عملے اور متعلقہ اداروں کو مشترکہ طور پر کام کرنا ہوگا تاکہ بلوچستان کے عوام کو بہتر، آسان اور معیاری طبی سہولیات فراہم کی جا سکیں۔