کوئٹہ میں کمسن بچے سے مبینہ زیادتی کا نامزد ملزم دو گھنٹے میں گرفتار

ایس ایس پی آپریشنز کوئٹہ ضیاء مندوخیل کے سخت نوٹس اور خصوصی ہدایات پر تھانہ پشتون آباد پولیس نے فوری اور مؤثر کارروائی کرتے ہوئے کمسن بچے کے ساتھ مبینہ زیادتی اور بدفعلی کے سنگین الزام میں نامزد ملزم کو صرف دو گھنٹے کے اندر گرفتار کرلیا۔

جبکہ دوسرے ملزم کے لیے چھاپے مارے جارہے ہیں انشاء اللہ جلد قانون کی گرفت میں ہوگا ایس ایچ او تھانہ پشتون آباد فضل الرحمن خلجی نے اس حوالے سیمیڈیا سے گفتگو کرتے ہوئے بتایا

کہ واقعے کی اطلاع ملتے ہی پولیس نے فوری طور پر کارروائی کا آغاز کیا اور ایس ایس پی آپریشنز ضیاء مندوخیل کی خصوصی ہدایات پر پولیس ٹیم کو متحرک کیا گیا۔

پولیس نے پیشہ ورانہ مہارت اور تیز رفتار کارروائی کے ذریعے ملزم کو واقعے کے صرف دو گھنٹے کے اندر گرفتار کرلیا۔ایس ایچ او فضل الرحمن خلجی نے مزید بتایا

کہ گرفتار ملزم کا سابقہ مجرمانہ ریکارڈ بھی موجود ہے اور اس کے خلاف مختلف تھانوں میں چوری سمیت دیگر جرائم کے مقدمات درج ہیں۔

ملزم کے خلاف متعلقہ دفعات کے تحت ایف آئی آر درج کرکے مزید قانونی کارروائی اور تفتیش کا آغاز کردیا گیا ہے۔انہوں نے کہا کہ معصوم بچوں کے تحفظ اور شہریوں کی جان و مال کی حفاظت پولیس کی اولین ذمہ داری ہے۔

ایسے سنگین جرائم میں ملوث عناصر کے خلاف قانون کے مطابق سخت کارروائی عمل میں لائی جائے گی اور کسی کو بھی قانون سے بالاتر نہیں سمجھا جائے گا۔

ایس ایچ او فضل الرحمن خلجی نے مزید کہا کہ پشتون آباد پولیس جرائم پیشہ عناصر کے خلاف بلاامتیاز کارروائیاں جاری رکھے گی اور مظلوم خاندان کو انصاف کی فراہمی کے لیے تمام قانونی تقاضے پورے کیے جائیں گے۔

بلوچستان پولیس مظلوموں کے تحفظ، بچوں کی سلامتی اور جرائم کے خاتمے کے لیے پْرعزم ہے۔