بلوچستان میں ناکامی کے بعد دہشت گرد ٹک ٹاک ویڈیوز بنانے تک محدود رہ گئے ہیں، تانیہ بازئی

کوئٹہ( رپورٹ محمد سلیم رند)
معروف سماجی و سیاسی شخصیت ایڈووکیٹ تانیہ بازئی نے اپنے ایک بیان میں کہا ہے کہ بلوچستان میں سکیورٹی فورسز کی مؤثر کارروائیوں اور امن دشمن عناصر کے خلاف مسلسل جدوجہد کے باعث دہشت گرد اپنے مذموم مقاصد میں ناکامی کا سامنا کر رہے ہیں۔ انہوں نے کہا کہ بلوچستان میں ناکامی کے بعد دہشت گرد اب ٹک ٹاک اور سوشل میڈیا پر ویڈیوز بنانے اور پروپیگنڈا کرنے تک محدود رہ گئے ہیں، تاہم اس طرح کی سرگرمیاں ان کے عزائم کو کامیاب نہیں بنا سکتیں تانیہ بازئی نے کہا کہ بلوچستان کے عوام امن، ترقی اور خوشحالی چاہتے ہیں اور دہشت گردی کے خاتمے کے لیے ریاستی اداروں اور سکیورٹی فورسز کی قربانیوں کو قدر کی نگاہ سے دیکھتے ہیں۔ انہوں نے کہا کہ سوشل میڈیا پر گمراہ کن پروپیگنڈے کے ذریعے عوام کو متاثر کرنے کی کوششیں کامیاب نہیں ہوں گی، کیونکہ باشعور عوام حقائق کو سمجھتے ہیں۔ انہوں نے اس عزم کا اظہار کیا کہ بلوچستان میں امن و استحکام کے قیام اور عوام کے روشن مستقبل کے لیے قومی یکجہتی اور اتحاد ناگزیر ہیں۔