سکینہ عبداللہ خان کو نئی ذمہ داریاں ملنے پر مبارک باد، اسلام آباد میں گلدستہ پیش

لورالائی (میاں محمدعامربشیرآرائیں)پاکستان پیپلز پارٹی بلوچستان کی نومنتخب ڈپٹی سیکریٹری اطلاعات محترمہ سکینہ عبداللہ خان کو نئی ذمہ داریاں سنبھالنے پر پاکستان پیپلز پارٹی کے مرکزی دفتر اسلام آباد میں مبارک باد پیش کی گئی اور انہیں پھولوں کا گلدستہ پیش کیا گیا۔اس موقع پر پاکستان پیپلز پارٹی کے مرکزی دفتر کے انچارج سید سبط الحیدر بخاری، مرکزی میڈیا کوآرڈینیٹر حافظ نعیم اور مرکزی دفتر کے دیگر عہدیداران بھی موجود تھے۔ پارٹی کے مرکزی رہنماؤں اور عہدیداران نے محترمہ ساکینہ عبداللہ خان کو نئی ذمہ داریاں ملنے پر دلی مبارک باد دی اور ان کے لیے نیک تمناؤں کا اظہار کیا۔اس موقع پر محترمہ سکینہ عبداللہ خان کی بطور ڈپٹی سیکریٹری اطلاعات تقرری کو بلوچستان میں خواتین کی سیاسی نمائندگی کے حوالے سے اہم پیش رفت قرار دیا گیا۔ جاری کردہ پریس ریلیز کے مطابق، پاکستان پیپلز پارٹی بلوچستان کی صوبائی قیادت میں اس عہدے پر کسی خاتون کی تقرری کو صوبے کی سیاسی تاریخ میں ایک اہم سنگِ میل قرار دیا گیا ہے۔پارٹی رہنماؤں نے امید ظاہر کی کہ محترمہ سکینہ عبداللہ خان اپنی نئی ذمہ داریوں کو احسن طریقے سے نبھاتے ہوئے پارٹی کے مؤقف کو مؤثر انداز میں عوام تک پہنچانے، تنظیمی سرگرمیوں کو فروغ دینے اور خواتین کی سیاسی و سماجی شرکت کو اجاگر کرنے میں اپنا کردار ادا کریں گی۔تقریب کے دوران مرکزی عہدیداران نے ان کے لیے کامیابی اور مزید پیش رفت کی دعا کرتے ہوئے اس عزم کا اظہار کیا کہ پارٹی کے تنظیمی امور اور اطلاعاتی سرگرمیوں کو بہتر بنانے کے لیے تمام متعلقہ عہدیداران باہمی تعاون سے کام جاری رکھیں گے۔محترمہ سکینہ عبداللہ خان نے اس موقع پر مبارک باد دینے والے مرکزی رہنماؤں اور عہدیداران کا شکریہ ادا کیا اور اپنی ذمہ داریاں احسن انداز میں ادا کرنے کے عزم کا اظہار کیا۔