تربت: بلیدہ سلو ندی سے مزید دو نامعلوم افراد کی لاشیں برآمد

تربت: بلوچستان کے علاقے بلیدہ میں سلو ندی سے مزید دو نامعلوم افراد کی لاشیں برآمد ہوئی ہیں۔ پولیس نے لاشوں کو شناخت اور ضروری قانونی کارروائی کے لیے اسپتال منتقل کردیا ہے۔

یاد رہے کہ گزشتہ روز بھی اسی مقام سے دو افراد کی لاشیں ملی تھیں، جن کی تاحال شناخت نہیں ہوسکی۔ سلو ندی سے مسلسل دوسرے روز لاشیں ملنے کے واقعات کے بعد علاقے میں تشویش پائی جارہی ہے۔ تاہم برآمد ہونے والی لاشوں کی شناخت اور واقعے سے متعلق مزید تفصیلات سامنے نہیں آسکیں۔