بازار میں دوسرا روز تجاوزات کے خلاف گرینڈ آپریشن، مستقل و عارضی تجاوزات کا خاتمہ، کارروائی جاری

مسلم باغ
ڈپٹی کمشنر قلعہ سیف اللہ ساگر کمار کی ہدایات کی روشنی میں اسسٹنٹ کمشنر مسلم باغ ماجد سلیم نے میونسپل کمیٹی مسلم باغ کے نمائندے کے ہمراہ مسلم باغ بازار میں تجاوزات کے خلاف بھرپور اپریشن شروع کر دیا ہے۔
اپریشن کے دوران بازار کے مختلف مقامات پر قائم مستقل اور پختہ تجاوزات کو ایکسلیریٹر ،ٹریکٹر کی مدد سے ہٹایا گیا، جبکہ عارضی تجاوزات کا بھی خاتمہ کرتے ہوئے عوامی گزرگاہوں کو کلیئر کیا گیا، تاکہ شہریوں کو آمدورفت میں درپیش مشکلات کا ازالہ اور بازار میں ٹریفک کی روانی کو بہتر بنایا جا سکے
تجاوزات کے خلاف آپریشن تاحال جاری ہے اور بازار کے دیگر حصوں میں بھی تجاوزات کے خاتمے کے لیے کارروائی کی جا رہی ہے۔
اس موقع پر اسسٹنٹ کمشنر ماجد سلیم نے واضح کیا کہ عوامی راستوں کی بحالی ٹریفک کی روانی برقرار رکھنے اور بازار کو منظم بنانے کے لیے تجاوزات کے خلاف کارروائیاں بلاامتیاز جاری رہیں گی۔ انہوں نے دکانداروں اور تاجروں پر زور دیا کہ وہ عوامی گزرگاہوں پر سامان رکھنے اور راستوں میں رکاوٹیں پیدا کرنے سے گریز کریں اور انتظامیہ کے ساتھ تعاون یقینی بنائیں
ضلعی انتظامیہ کا عزم ہے کہ مسلم باغ بازار کو تجاوزات سے پاک، منظم اور شہریوں کے لیے آمدورفت کے حوالے سے آسان بنایا جائے