محکمہ ثقافت حکومت, بلوچستان کی جانب سے شاندار مشاعرے اور محفل, موسیقی کا انعقاد

کوئٹہ (رپورٹ: محمد حنیف جمالی) بزمِ جہاں محکمہ ثقافت حکومت, بلوچستان کے زیر, اہتمام ایک پُر وقار محفل, مشاعرہ کا انعقادکیا گیا۔

مشاعرے کے *مہمانِ خاص کراچی سے تشریف لائے مہمان جناب سید جاوید اقبال چیئرمین بورڈ آف ڈائریکٹرز، نیشنل اکیڈمی آف پرفارمنگ آرٹس تھے جبکہ نظامت کے فرائض نامور شاعرہ جہاں آراء تبسم نے ادا کئیے

مشاعرے میں کوئٹہ کے متعد شعراء کرام نے اپنا کلام پیش کر کے سامعین سے خوب داد وصول کی۔ جن میں افضل مراد ، عبدالقیوم بیدار ، نور خان نواب ، غلام علی جون ، عیسیٰ خان رسولی ، تسنیم صنم ، جہاں آرا تبسم ، محمد حنیف جمالی، اور فاریہ بتول شامل تھے۔

اس موقع پر ایک شاندار محفل, موسیقی کا بھی انعقاد کیا گیا ، جس میں معروف گلوکارعارف بگٹی ، ڈاکٹر عیسیٰ کاکڑ ، اور محمد اسماعیل نے اپنے فن کا مظاہرہ کر کے حاضرین کے دل جیت لیے۔

شرکاء نے محکمہ ثقافت اور جہاں آرا تبسم کی معاونت میں منعقدہ تقاریب کو سراہتے ہوئے کہا کہ ایسی تقریبات بلوچستان کی ادبی و ثقافتی روایات کو فروغ دینے میں اہم کردار ادا کرتی ہیں۔