حضرت شاہ رکن الدین عالمؒ کا 713واں عرس 17 اکتوبر سے ملتان میں شروع ہوگا

حضرت شاہ رکن الدین عالم سہروردی ملتانیؒ کا 713واں سالانہ عرس مبارک 17 اکتوبر سے ملتان میں شروع ہوگا

ملتان (قاضی ساگر) عظیم روحانی پیشوا شیخ الاسلام حضرت شاہ رکن الدین عالم سہروردی ملتانیؒ کے 713ویں سالانہ عرس مبارک کی تقریبات 17 اکتوبر سے ملتان میں شروع ہوں گی، جو 19 اکتوبر تک جاری رہیں گی۔

عرس مبارک کی تقریبات سجادہ نشین مخدوم شاہ محمود حسین قریشی کی سرپرستی اور مخدوم زادہ محمد زین حسین قریشی کی صدارت میں منعقد ہوں گی۔ ان روحانی تقریبات میں ملک کے مختلف علاقوں سے علماء، مشائخ اور ہزاروں زائرین شرکت کریں گے۔

عرس کی تقریبات میں اسٹیج سیکرٹری کے فرائض پروفیسر ڈاکٹر محمد صدیق خان قادری سرانجام دیں گے، جو گزشتہ 50 سال سے درگاہ غوثیہ سہروردیہ کے ترجمان ہیں اور عرس مبارک کی تمام نشستوں میں اسٹیج سیکرٹری کی ذمہ داریاں نہایت خوش اسلوبی سے ادا کر رہے ہیں۔

عرس مبارک کے موقع پر عقیدت مند حضرت شاہ رکن الدین عالم سہروردی ملتانیؒ کی روحانی خدمات اور تعلیمات کو خراجِ عقیدت پیش کریں گے۔ ان تقریبات میں ملک بھر سے زائرین کی بڑی تعداد کی شرکت متوقع ہے۔