پنجاب حکومت آٹے کی ترسیل پر پابندی ختم کرے، صوبائی حکومت فوری رابطہ کرے: مولانا قاری مہراللہ

جمعیت علماء اسلام نظریاتی بلوچستان کے صوبائی امیر موانا قاری مہراللہ جنرل سیکرٹری مفتی شفیع الدین سرپرست اعلیٰ شیخ الحدیث مولانا سراج الدین سنئیرنائب امیرمولانا محمد احمد حقانی ناٸب امیر مولانا شاہ محمد ڈپٹی جنرل سیکرٹری حافظ حلیم شاہ مولانا عبدالاحدکبدانی میرمبارک محمدحسنی مولانا جمعہ خان مولانا رحمت اللہ حقانی مولانامحمدانور مولانا عبدالمالک اندڑ صوباٸی سالار حاجی شیرجان کاکڑ اسراراللہ ساسولی مولانامحمدصادق نے کہاکہ آٹا کی آڑ میں دکانداروں پر چھاپے مسئلے کا پائیدار حل نہیں۔ ​پنجاب حکومت کی آٹا ترسیل پر پابندی سے عوام آٹا مہنگا خریدنے پر مجبور ہوچکے ہیں عوام کو سستے آٹے کی فراہمی کے لیے صوباٸی حکومت پابندی ختم کرنےپر پنجاب سے مطالبہ کرے۔ بلوچستان آٹا اور گندم کی ترسیل کے دوران چیک پوسٹوں پر رشوت ستانی اور ناجائز تحویل سے آٹے کی قیمتوں میں بے تحاشا اضافہ ہوتاجارہا ہے آٹا کی ترسیل پرتاجروں اور ٹرانسپورٹرز بھاری رقم رشوت کی وصولی ظلم کا انتہا ہے جس کی باعث آٹا مہنگا ہوتی جارہی ہے گرانفروشی کی روک تھام کے نام پر چھوٹے دکانداروں اور رٹیلرز پر چھاپے مارنا اور جرمانے عائد کرنا مسئلے کا اصل حل نہیں ہے۔ فلور ملز اور ذخیرہ اندوزوں کو لگام دینے کے بجائے دکانوں پر چھاپے مار کر چالان کاٹتی ہے اور بھاری جرمانے عائد کرتی ہے، جس سے چھوٹا تاجر معاشی بدحالی کا شکار ہو رہا ہے۔ انہوں نے کہا کہ پنجاب یا سندھ سے گندم کی بین الصوبائی ترسیل میں رکاوٹیں، چیک پوسٹوں پر رشوت سے آٹے کا شدید بحران اور قیمتوں میں بے تحاشا اضافہ کا سامنا کرنا پڑتا ہے جس کی باعث آٹا غریب کی قوت خرید سے باہر ہو چکا ہے حکومت آٹا اور گندم سپلائی میں رکاوٹوں کا خاتمہ کرے تاکہ بلوچستان کے غریب عوام کیلئے آٹا اور گندم باآسانی اور کم سے کم قیمت پر فراہم کیا جاسکے۔ ڈرائیورز اور تاجر چیک پوسٹوں پر دی جانے والی رشوت کا خرچ آٹے اور گندم کی قیمتوں میں شامل کر دیتے ہیں، جس سے بلوچستان میں عام صارف کو مہنگا آٹا خریدنا پڑتا ہے۔ انہوں نے کہا کہ بلوچستان کے قدرتی وسائل کی دوسرے صوبوں ترسیل پر کوئی رکاوٹ نہیں ہوتی، جبکہ غذائی ضروریات گندم اور آٹے کی بلوچستان آمد پر سخت پابندیاں اور رکاوٹیں کھڑی کرنا پھر کہاں کا قانون ہے حکومت اس ناروا اقدامات پر نوٹس لیے۔ انہوں نے کہا کہ آٹا اور گندم سپلائی میں رکاوٹوں کا خاتمہ کرے تاکہ بلوچستان کے غریب عوام کیلئے آٹا اور گندم باآسانی اور کم سے کم قیمت پر فراہم کیا جاسکے۔ آٹا اور گندم کی سپلائی میں حائل تمام رکاوٹیں ختم کی جائیں۔