ملیر جرنلسٹ پینل کا چوتھا اجلاس صدر علی بلیری کی زیرِ صدارت منعقد، صحافیوں کے مسائل پر غور

ملیر جرنلسٹ پینل کا چوتھا اجلاس صدر علی بلیری کی زیرِ صدارت منعقد.چئیرمین ایڈوکیٹ افتخار احمد اعوان نے اجلاس کی حمایت کی

اجلاس میں صحافیوں کے مسائل کے حل کے لیے تین رکنی کمیٹی قائم

کراچی (رپورٹ نادر وسیر) ملیر جرنلسٹ پینل کا چوتھا اجلاس صدر علی بلیری کی زیرِ صدارت منعقد ہوا جس میں صحافیوں کو درپیش مسائل تنظیمی امور، ضابطۂ اخلاق دستور اور پینل کی رجسٹریشن سمیت مختلف معاملات پر تفصیلی تبادلۂ خیال کیا گیا

اجلاس کے دوران صحافیوں کے مسائل کے فوری حل کے لیے تین رکنی کمیٹی قائم کرنے کا فیصلہ کیا گیا اس سلسلے میں صحافی عزرا راجپوت شہزادو مستوئی اور نادر وسیر کے نام زیرِ غور آئے۔ اجلاس میں شریک تمام ساتھیوں سے رائے لی گئی جس کے بعد باقاعدہ رائے شماری کے ذریعے تین رکنی کمیٹی کا اعلان کیا گیا

اجلاس میں نئے ممبران نے بھی شمولیت اختیار کی اس موقع پر صدر علی بلیری نے پینل کے ضابطۂ اخلاق اور دستور کا اعلان کرتے ہوئے تنظیمی نظم و ضبط، باہمی احترام اور صحافیوں کے حقوق کے تحفظ کی اہمیت پر زور دیا

صدر علی بلیری نے اپنے خطاب میں کہا کہ کسی بھی تنظیم کی بنیادی ذمہ داری صحافیوں کی عزت، ناموس اور وقار کا تحفظ کرنا ہے تنظیم کوئی بھی ہو اور کسی کی بھی ہو اس کا مقصد صحافی برادری کے مسائل کو اجاگر کرنا اور ان کے حل کے لیے عملی اقدامات کرنا ہونا چاہیے ملیر جرنلسٹ پینل صحافیوں کے حقوق کے تحفظ باہمی اتحاد اور فلاح و بہبود کے لیے اپنی جدوجہد جاری رکھے گا

اجلاس میں جنرل سیکریٹری گل اشتیاق اعوان طبیعت ناساز ہونے کے باعث شرکت نہ کر سکے شرکاء نے صحافی ڈاکٹر بشارت کی والدہ کی صحت و تندرستی کے لیے خصوصی دعا بھی کی

پینل کی رجسٹریشن کے عمل کو تیز کرنے کے حوالے سے ایڈووکیٹ چیئرمین افتخار احمد اعوان سے بھی بات چیت کی گئی تاکہ تنظیمی معاملات کو قانونی تقاضوں کے مطابق آگے بڑھایا جا سکے

اجلاس کے دوران تمام شرکاء نے حلف برداری میں حصہ لیا اور اس عزم کا اظہار کیا کہ وہ ملیر جرنلسٹ پینل کے نام وقار اور ساکھ کو برقرار رکھیں گے تنظیمی ضابطۂ اخلاق کی پابندی کریں گے اور پینل کی ترقی و استحکام کے لیے اپنی جدوجہد جاری رکھیں گے

اجلاس کے اختتام پر صدر علی بلیری نے دعا کروائی اور صحافی برادری کے اتحاد کامیابی ترقی اور تمام ساتھیوں کی سلامتی کے لیے خصوصی دعائیں کی گئیں