کوئٹہ میں گوشت مہنگا فروخت کرنے والوں کے خلاف کارروائی، 8 افراد گرفتار

کوئٹہ: ڈپٹی کمشنر کوئٹہ ایسٹ کی ہدایت پر اسسٹنٹ کمشنر سٹی محمد امیر حمزہ بلو اور اسپیشل مجسٹریٹ اعجاز احمد حسین نے سرکی روڈ، گولمنڈی چوک اور خدائے داد روڈ کے مختلف علاقوں میں گوشت کی قیمتوں اور سرکاری نرخ نامے پر عملدرآمد کا جائزہ لیا۔
کارروائی کے دوران سرکاری نرخ نامے کی خلاف ورزی اور مبینہ گراں فروشی پر 8 افراد کو گرفتار کرکے جیل منتقل کر دیا گیا۔
انتظامیہ نے واضح کیا کہ شہریوں کو مقررہ سرکاری نرخوں پر اشیائے ضروریہ کی فراہمی یقینی بنانے کے لیے پرائس کنٹرول کارروائیاں جاری رہیں گی اور خلاف ورزی کرنے والوں کے خلاف قانون کے مطابق کارروائی کی جائے گی