وزیراعلیٰ بلوچستان کی سینیٹر نصیب اللہ بازئی اور حاجی عبدالواحد کے انتقال پر تعزیت

کوئٹہ: وزیراعلیٰ بلوچستان میر سرفراز بگٹی نے سینیٹر نصیب اللہ بازئی اور حاجی عبدالواحد کے انتقال پر گہرے دکھ اور افسوس کا اظہار کرتے ہوئے سوگوار خاندانوں سے تعزیت کی۔

وزیراعلیٰ میر سرفراز بگٹی نے کوئٹہ میں سینیٹر نصیب اللہ بازئی کی رہائش گاہ کا دورہ کیا اور مرحوم کے اہل خانہ سے ملاقات کی۔ انہوں نے سینیٹر نصیب اللہ بازئی کے انتقال پر افسوس کا اظہار کرتے ہوئے مرحوم کے درجات کی بلندی اور مغفرت کے لیے دعا کی، جبکہ لواحقین کے لیے صبر جمیل کی دعا بھی کی۔

بعد ازاں وزیراعلیٰ بلوچستان محمد ہاشم کی رہائش گاہ پہنچے، جہاں انہوں نے ان کے والد حاجی عبدالواحد کے انتقال پر اہل خانہ سے تعزیت کی۔ اس موقع پر میر سرفراز بگٹی نے فاتحہ خوانی کی اور مرحوم کے لیے مغفرت جبکہ پسماندگان کے لیے صبر و استقامت کی دعا کی۔

تعزیتی دوروں کے موقع پر صوبائی وزراء، پارلیمانی سیکرٹریز اور اراکین بلوچستان اسمبلی بھی وزیراعلیٰ کے ہمراہ موجود تھے اور انہوں نے سوگوار خاندانوں سے اظہار یکجہتی کیا۔