عمران خان کی سابق اہلیہ جمائما گولڈ اسمتھ نے دوسری شادی کرلی

پاکستان کے سابق وزیراعظم عمران خان کی سابق اہلیہ جمائما گولڈ اسمتھ نے دوسری شادی کرلی۔

برطانوی اخبار ڈیلی میل کے مطابق 52 سالہ جمائما نے گزشتہ ہفتے 62 سالہ آئرش آسٹریلوی کیمرون او ریلی سے شادی کی ہے۔

کیمرون او ریلی معروف میڈیا شخصیت سر انتھونی او ریلی کے صاحبزادے ہیں اور مالیاتی شعبے سے وابستہ ہیں۔ رپورٹ کے مطابق جمائما اور کیمرون کی ملاقات پیشہ ورانہ امور کے سلسلے میں ہوئی تھی، جس کے بعد دونوں گزشتہ ایک سال سے رابطے میں تھے۔

جمائما کے بھائی بین گولڈ اسمتھ نے بھی ان کی شادی کی تصدیق کردی ہے۔

رپورٹ کے مطابق جمائما کی پہلی شادی عمران خان سے ہوئی تھی جو 2004 میں ختم ہوگئی تھی۔ جمائما کے عمران خان سے دو بیٹے ہیں، جبکہ کیمرون او ریلی کی پہلی شادی سے چار بچے ہیں۔