سونا اور چاندی آج بھی سستے ہو گئے، قیمت میں بڑی کمی

کراچی: عالمی اور مقامی صرافہ مارکیٹوں میں سونے اور چاندی کی قیمتوں میں کمی کا سلسلہ جمعہ کو بھی برقرار رہا۔

بین الاقوامی بلین مارکیٹ میں فی اونس سونے کی قیمت 56 ڈالر کی کمی سے 4 ہزار 342 ڈالر کی سطح پر آگئی۔

عالمی مارکیٹ میں سونے کی قیمت میں کمی کے اثرات مقامی صرافہ مارکیٹ پر بھی پڑے، جہاں فی تولہ سونا 5 ہزار 600 روپے سستا ہوکر 4 لاکھ 56 ہزار 736 روپے کا ہوگیا۔

اسی طرح فی 10 گرام سونے کی قیمت میں بھی 4 ہزار 801 روپے کی کمی ہوئی، جس کے بعد نئی قیمت 3 لاکھ 91 ہزار 577 روپے ہوگئی۔

دوسری جانب عالمی مارکیٹ میں فی اونس چاندی کی قیمت 2 ڈالر 53 سینٹ کم ہوکر 63 ڈالر 92 سینٹ کی سطح پر آگئی۔

مقامی مارکیٹ میں فی تولہ چاندی کی قیمت 253 روپے کی کمی سے 6 ہزار 871 روپے جبکہ فی 10 گرام چاندی کی قیمت 217 روپے کمی کے بعد 5 ہزار 890 روپے ہوگئی۔