تربت: اسسٹنٹ کمشنر تمپ کی سرکاری گاڑی مسلح افراد نے چھین لی

تربت: تمپ سے تربت آتے ہوئے خیر آباد کے قریب مسلح افراد نے اسسٹنٹ کمشنر تمپ کی سرکاری گاڑی روک کر ڈرائیور اور سیکیورٹی گارڈ سے گاڑی چھین لی۔

سرکاری ذرائع کے مطابق ڈپٹی کمشنر تمپ اور اسسٹنٹ کمشنر تمپ تمپ سے تربت کی جانب روانہ تھے، تاہم دونوں افسران مذکورہ گاڑی میں سوار نہیں تھے بلکہ ایک دوسری گاڑی میں پیچھے آ رہے تھے، جس کے باعث وہ محفوظ رہے۔

ذرائع کے مطابق خیر آباد کے قریب مسلح افراد نے اسسٹنٹ کمشنر تمپ کی کالے رنگ کی سرکاری سرف گاڑی کو روک لیا اور اس میں موجود ڈرائیور اور سیکیورٹی گارڈ کو اپنے قبضے میں لینے کے بعد گاڑی اپنے ساتھ لے گئے۔

واقعے کے بعد متعلقہ حکام نے کارروائی شروع کردی ہے، جبکہ مسلح افراد کی شناخت اور واقعے کے محرکات سے متعلق مزید معلومات سامنے نہیں آسکیں۔

حکام کی جانب سے واقعے کی مزید تحقیقات جاری ہیں۔